Indriyon se Mukti (Freedom from the senses)

Indriyon ko samajhne se pehle yeh jaan lena zaruri hai ki yeh aatma kya hai aur a-naatma kya hai.

Shareer, Indriyaan, Praan, Mann aur Ahankaar aadi aur unke sabhi tarah ke parivartan idriya vishya aur unke sab sukh dukh aadi, sab avyakat paryant, us sansaar ko A-NAATMA kehte hain.

Ek sawaal - Kya Indriyon ka sukh hi sabse bada sukh hota hai? Jinhone kabhi sukh ka, anand ka sakshaatkaar nahi kiya hai, weh aisa hi sochte hai

In the Sutta Pitaka, six sensory faculties are referenced in a manner similar to the six sense bases. These faculties consist of the five senses with the addition of "mind" or "thought" (manas).

1. vision (cakkh-indriya)
2. hearing (sot-indriya)
3. smghān-indriya)
4. taste (jivh-ell (indriya)
5. touch (kāy-indriya)
6. thought (man-indriya)

The first five of these faculties are sometimes referenced as the five material faculties (e.g., pañcannaṃ indriyānaṃ avakanti).^[16]

Vivekachudamni 76. The deer, the elephant, the moth, the fish and the honey-bee---these five meet death because of their bondage to one of the five senses. What then is the condition of a person who is attached to all five? 

A deer meets with death when, unmindful of the danger lurking behind, it stands transfixed listening to sweet music. A mighty elephant wandering at will in the forest gets caught when tempted with the touch of a female elephant. A moth is attracted to a bright flame and rushes into it to burn and perish. A fish succumbs to taste by swallowing a piece of flesh used as bait on a hook. Attracted by the fragrance, a bee enters a lotus and gets trapped in it when the flower closes its petals at sunset. How then to describe the plight of man who, enslaved by all the five senses, loses the power to discriminate and is unable to strive for the spiritual goal.

Equally important are the ideas we absorb through the mind. None can carelessly continue to gather mental dirt and yet hope to discipline and focus the mind. “A disciplined mind acts as our friend, and an undisciplined mind acts as our enemy,” teaches the Bhagavad Gita (6.6). But how do we discipline the mind? Filling the mind with noble thoughts and continually dwelling on them disciplines and strengthens the mind. A devotee of God finds that sincere and steadfast repetition of the divine name restrains the mind and the senses without much effort.

Hum sabhi ko ek shareer milta hai jisme paancho indriyaan samaan hoti hai aur jiske dwara hum is sthool sansaar ko anubhaw karte hain. Pashu Pakshiyon ke paas bhi yehi shareer, yehi indriyaan hoti hain, kintu manushya ke paas ek vishesh tarah ka vivek hota hai, jiske dwara weh uchit anuchit satya asatya dharam adharam ka bhed karta hai. Vivek dwara hi manushya apni indriyon ko niyantrit  aniyantrit karta hai, taaki uske uddeshya me koi vyawadhaan utpann na ho aur jo manushya vivekheen aur indriyon ke daas hotey hain, weh pashu pakshiyon ke samaan hotey hain. Weh sansaar ke saath saath apna naash bhi karte hain, weh hi dharam ka naash bhi karte hain

Ek aur sawaal - Hum apni indriyon ke daas ho kaise jaatey hain? Humei yeh bahutik cheejon ki vaasna kaise hone lagti hai? Humein kaun aadesh deta hai ki yeh karo ya woh karo jisse is shareer ya anaatma ko sukh miley
Jawaab - Antah-karan. Yaani Manas, Buddhi, Chitt aur Ahankaar ke samuchit roop ko hi Antah-karan kehte hain. Antah-karan gyanendriyan dwara sansaar ka anubhaw karke karmendriyon ko karm ka nirdesh deta hai. Iska matlab yadi humara Antah-karan shuddh hai to hmaare karam bhi shuddh honge aur ache honge. Yadi humara Antah-karan hi shuddh nahi to humare karam bhi ache nahi.

Source -
1. Doordarshan TV series Upanishad Ganga Episode 28 - The Anatman
2. https://en.wikipedia.org/wiki/Indriya
3. http://varma-vivekachudamani.blogspot.com/2013/05/sense-objects-trap-verses-76-82.html

Vishwam Gurur-Mama (Whole World is my Guru)

                              VISHWAM GURUR-MAMA (Whole world is my Guru)

Sach jaan ne ki abhilaasha rakhne waloon ke liye to poora vishwa hi guru hai!!

Jeewan ki paathshaala me jisse bhi jo seekho wahi tumhara guru hota hai. Jo bhi agyaan ka andhkaar door kar de, weh guru hota hai. Aatm-Gyaan dene wala Sadguru ek hota hai, par guru aneik ho sakte hain. Jaisey avadhoot Datta-treya ke 24 guru. Is shrinkhla mein mai mere un sabhi guru ko warnan karna chaahunga jinse maine mere ab tak ke jeewankaal me kuch bhi seekha aur un guru-on ka jo ki dattatrey ke they-

1. MAA - Meri pehli guru meri maa jisne mujhe yeh bataya ki mai kaun hun. jisne mujhe ganit ke pahaadey yaad karne sikhaaey.

2. DHARTI - Yeh dharti sabhi ko samaan roop se dharan karti hai, sabhi ko samaan roop se aadhaar deti hai, sabhi ko samaan roop se swikaar karo, yeh maine dharti se seekha

3. VAAYU - Vaayu se maine jana ki sadhak ko vaayu ki tarah ache aur bure se aprabhaawit rehna chayiye

4. AAKASH - Aakash se maine jana ki aatma aakash ki tarah sarav vyaapi hai. Sabse aprabhaawit nirakar, nirvikaar apni usi awastha me rehta hai

5. AAG - Aag har aahaar grehan karti hai. Har samidha grehan karti hai, aur usey bhasm kar usey pavitra kar deti hai. Aag se maine jana ki brahm chintak ko agni ki tarah hi aahar grehan karna chayiye

6. SURYA - Jis prakaar surya ki chaaya alag alag paatro ke jal me alag alag dikhaayi deti hai, usi prakaar, yeh saari srishti usi ek aatma ki vibhinn chaya-yein hain

7. KABOOTAR - Ek baar shikaari ke bichaaye jaal me kabootar ke bachchey fass gaye. Kuch deir baad bhojan ikattha kar ghonsle me lauti unki maa bhi jaal me fass gayi. Un kabootaro se maine jana ki kis prakaar moh ,vinaash ko aamantran deta hai

8. AJGAR - Jis prakaar ajgar apney shikaar ki talaash me yahan wahan nahi bhatakta, waise hi gyaan ki abhilaasha rakhne wale ko sukh ke peeche yaha waha nahi bhatakna chayiye

9. SAMUNDRA - Jis prakaar samundra apni maryada ka ulanghan nahi karta, waise hi buddhimaan ko apni naitik maryada ka ulanghan nahi karna chayiye

10. PATANGA - Murkh wyakti indriyon ke sukhon ki aag ke kood swayam ko bhasm kar deta hai, parantu buddhimaan wyakti gyaan ki agni mein kood apne agyaan ka naash kar seemit se aseemit ho jaatein hain

11. HAATHI - Yaani Gaja. Haathi ke shikaari haathi ko pakadne ke liye nakli hathni bnaate hain ya paaltu hathni ka prayog karte hain taaki vey haathi ko lubha sakein. Sadhak ko kaam ke aaweig se door rehna chayiye, yeh maine haathi se seekha

12. MADHUA - Yaani shehad ikkatha karne wala. Madhumakkhi shehad ikkatha karne me apna samay ganwaati hai aur uska upbhog shehad ikkatha karne wala madhua karta hai. Isliye samay saadhno ko ek-katra karne me nai, swayam ko samajhne me kharch krna chayiye

13. MACHLI - Jis prakaar kaantey me lage padarth ke karan, machli us kaantey me fass jaati hai, waise hi manushya pralobhano ke karan se sankat me padta hai

14. TEER BNAANE WALA - Usse maine jana ki aatma par ekaagrta se hi sansaar ke prapanch ko andekha kiya ja sakta hai

15. CHOTEY BACHCHEY - Chotey chotey bachchey jo maan apmaan, tera mera, apna paraya, in sab se parey rehte hain

16. CHANDRAMA - Jis prakaar chandrama surya ke prakaash ko hi paravartit krta hai, yeh jeev aatma, usi ek param-atma ka hi prakash hai

17. MADHUMAKKHI - Jaise madhumakkhi fulon ko nuksaan pahunchaayei bina shehad ekkatra karti hai, waise hi aadhyatam ke pathik ko aneik shaastro se gyaan ka ras ekkatra karna chayiye

18. MRIG - Yaani Hiran. Usse maine jana ki Indriyon ki kaamna daastaan ka karan hoti hai

19. BAAJ - Jis prakaar maans ke ek tukde ke liye kayi shikaari pakshi ek saath maans par toot padtey hai aur paraspar ladtey hain, theek waise hi bhautik sukhon ki haud sangharsh aamantrit krti hai

20. KANYA - Ek baar kuch log us kanya ka haath maangne uske ghar aaye. Us samay us kanya ke mata pita ghar pe nahi they toh, atithiyon ko aaya dekh us kanya ne bhojan ke liye dhaan kootna shuru kar diya. Ab dhaan koot tey samay, us kanya ke haath me padi chudiya bajne lagi. Choodiyon ke khanakne ki dhwani se atithiyon ko pareshaani na ho, isliye usne dono haatho me ek ek choodi rakh baaki choodiyan utaar di. Is ghatna se maine jana ki doosrey ke hone se swar, shabd khatakne lagtey hain, bajne lagtey hain. Isliye sadhak ko akele rehna chayiye

21. SARP - Sarp ghar nahi banata, waise hi adhyaatam ke pathik ko aniket rehna chayiye

22. MAKDI - Jaise makdi apne jaal ki rachna karti hai, usmey vicharan karti hai aur ant me usey hi nigal leti hai, waise hi aatma apne sansaar ki rachna karta hai, usme vichran karta hai aur ant me yeh sansaar usi me vileen ho jata hai

23. ILLI - Illi lagataar bhramar ki aur dekhti rehti hai. Yeh nirantar bharamar ki taraf dhyaan illi ko bhramar ke parivartit kar deta hai. Guru aur Shishya ki chetna ka yeh sambandh mera 23wa guru hai

24. JAL- Jal sabki pyaas bujhata hai. Manushya, pashu pakshi, peid, paudhey sabhi ko jeewit rakhta hai aur humesha sabse neechli jagah pe rehta hai, waise hi buddhimaan ko bhi humesha sabse naganya sthaan grehan karna chayiye

SOURCE - Doordarshan TV Series - UPANISHAD GANGA

Episode 25 - Guru - Avadhoot

Shreya aiwam Preya - Jeewan ke do Maarg

Jeevan ke do maarg hai. Shreya aur Preya. 

Aadhyatam se juda maarg Shreya hai aur bhog se juda maarg Preya. Buddhiman shreya ke maarg ko chunta hai. Nirbuddh apne liye preya ka maarg swikaar karta hai. Bhog ka maarg avidya ka, Agyaan ka maarg hai. Preya ka maarg chun ne wala sukh ko hi satya maan baith ta hai. Shreya ke maarg ko chun ne wala aatma ko hi sach maanta hai. Preya ka maarg indriyon ki aur le jata hai. Shreya ka maarg indriyon se pare le jata hai. Aatma ke satya ko tark se nahi jana jata. Shrotriya aur brahmnishth guru dwara diye gaye gyaan se hi aatma ka sach jana ja skta hai.

Is shareer ko tum rath aur is aatma ko tum rathi jaano. Buddhi ko saarthi aur mann ko lagaam jaano. Indriyaa rath ke ghodey hain. Aur vishaya charagaah. Jo chanchal mann ka hai. Jisne mann ki lagaam nahi kheench rakhi. Indriyaa uske vash me nahi rehti. Theek waise hi jaise dusht ghodey saarthi ke. Jo nischal mann ka hai, jisne mann ka lagaam kheench rakhi hai. Indriyaa uske vash me rehti hain. Jaise uttam ghodey saarthi ke. Vivek jiska saarthi hai. Jisne mann roopi lagaam kheench rakhi hai. Wahi manushya apne gantavya tak pahunchta hai.

Indriyo se indriyon ke vishaya shrestha hain. Vishaya se mann. Mann se buddhi aur buddhi se aatma shrestha hai. Jo is aatma ko jaan leta hai. Wah mrityu se pare chala jata hai.

Source - Doordarshan TV Series - Upanishad Ganga - 

Episode 24 - Adhikari - The Seeker of Knowledge - NachiketaNa Viten Tarpinyo Manushya (Beings will never get satisfied through wealth, it will only through contentment) - Kathopaniśhad, 1.1.27

Karma and Rebirth (Karm aiwam Punar Janam)

Harsh aur Vishaad - Yeh humari buddhi ka feir hai. Mann ko acha laga to harsh, Mann ko bura laga to vishaad, par sach to yeh hai ki hmaare liye koi bhi cheez na harsh ka karan hai aur naa hi vishaad ka.


Kai baar zindagi me hum aise mod par aa jate hai jahan sirf yaadein reh jaati hai. Aise mauke pe sirf udaasinta rehti hai ya vishaad. Kisi ko khone ka vishaad, kuch na kar paane ka vishaad, kisi ke guzar jane ka vishaad, kuch mil na paane ka vishaad. Sach to yeh hai ki naa to kuch hmaare harsh ka karan hai aur naa hi vishaad ka.

Aaakhir kya sambandh hai humara un sab cheejo se jo humei pyaari lagti hai - jaise maa baap, biwi, bhai, bachchey, naukri, aisho aaram. Jisey hum APNA kehte hai, is sansaar me aane se pehle wo humara kya tha, ya humse pehle wo kiska tha. Is sansaar me humara ussey kya sambandh hai aur uske jaane ke baad humara ussey kya sambandh hoga. Jaisey samundra me beh rahe lakdi ke kundey kuch deir ke liye ek dusrey se miltey hain, aur fir alag ho jaatey hain. Theek waise hi saarey rishtey kuch kshann ke hotey hain, isliye kisi ke jaane ka shok mat karo.

kayi cheeizei aisi hoti hai jo humei bohat pyaari hoti hai aur bhagwaan se hum unhe maangtey hai ki hey bhagwan humey naukri de do, us ladki se humari shaadi karwa do, badi gaadi dedo, acha jeewan de do.. wo sab chezei hum maangtey hai aur fir humey swayam anubhaw hota hai ki jisey paaney me humei sukh ka anubhaw ho raha tha, usey khone par humey dukh ka anubhaw hota hai.

Sach toh yeh hai ki Istridharam, Aishwarya, Sampatti, Rajya, Vaibhaw, Prithvi, Saina, Kosh, Sewak, Mantri, Sagey, Sambandhi, Mitra aadi sabhi anitya hai. Ek din sabhi nasht ho jaane wale hain. Jo anitya hai uska shok mat karo kabhi.Isliye vishaad karne ke jagah apne mann ka shaant karo, swasth karo aur isi mann ke dwara apne waastvik swaroop par vichaar karo aur dwetya bhram ko chodkar swayam ko shaanti swaroop param aatma me stith karo

Kisi ke jaane ya kisi ko khone ke baad hum wyarth hi vishaad wyakt karte hai. Shok me wyakul rehte hai us insaan ya us cheez ke liye jo humei chod ke chali gayi. uske fir se wapas laut aane ki kaamna kartey hai.

Raja Chitraketu ke putra ke marr jane ke baad dewarshi narad ne uske mrit putra ki jeev aatma ka aawaahan kiya. Us jeev aatma se jab poocha gya ki tumhare mata pita tumhare chalei jane ke baad vishaad wyakt kar rhe hai, shok me wyakul hai, tab us jeev aatma ne kaha - Dewarshi mai apne karmo ke anusaar kayi janamo se dewata, manushya, pashu pakshi, ped paudho aur na jaaney kitni yonio me bhatak raha hun. Yeh dono kis janam se mere mata pita huye, mujhe pta nahi. Waise mere hazaro mata pita hai, to kewal in dono ko hi mai apne mata pita kaise maan lun aur sachchai yeh hai ki mere koi mata pita nahi. Bhinn Bhinn janamo me sabhi ek dusrey ke rishtey naatey, bhai bandhu, mitra kshatru, udaasin, madyasth aur dweshi hote rehte hain. Sona chaandi aadi, khareedne bechne layak wastuyein bhi ek vyapaari se dusrey vyapaari ke paas aati jaati rehti hain, waise hi jeev bhinn binn yonio mein alag alag shareer badaltey rehta hai. Jeev nitya aur wastaw me ahankaar rahit hai, weh garabh me prawesh kar jab tak jis shareer me rehta hai, tab tak i weh us shareer ko apna samajhta hai. Aur jo jeev nitya awinaashi aur swayam prakaashmaan hai, uske liye janm aur mrityu kuch nahi hota. Iska naa koi priya hai aur naa koi apriya. Naa apna naa praya. Isliye dewarishi mai is shareer me wapas nahi aa sakta. Mujhe ab nayi yoni me janm lekar hi sansaar me aana hoga.

Moral - Wasnaayein hi PunarJanam ka karan hai. Humara prateyak karam aur Ichha, hmaare mann ya buddhi par apne chaap ya sanskaar chod jaatey hain. Mann par padey yeh sanskaar hi wasnaayein kehlaati hain. Wasnaayein hi humare vichaar aur usse utpann humare karmo ka prerak bal hai.Wasnaayein hi punarjanam ka mool hai. Wasnaayein humein Karm karne ke liye prerit krti hai. Aur jab un wasnaayon ka kshann nahi hota, to wo humare karan shareer me avitt roop mein bachi rehti hai, jiske karan ek poora janm smaapt hone ke baad bhi un bachi huyi wasnaayon ke karan jeev ko fir se janm lena padta hai taaki wo apni wasnaayon ko khatam kar sake. YAANI JAB TAK WASNAAYEIN HAIN, TAB TAK JANAM HAI, Is maarg se bachne ka ya rokne ke liye prati shann mann me ho rahi aniyantrit kriyaaon ka niyantran yaani dharm palan aur neeti purn vichaaro ka manan.Pathan pathaan mann buddhi ko shuddh kartey hain. Jab tak wasnaayein hai tab tak ichchayein hain. Jab tak ichchayein hain, tab tak punar janam hai. Karm ke is siddhant ko samajh jo kriya aur pritikriya ke pare chala jata hai, weh janm aur maran ke bandhan se mukt ho jata hai. Humare bhootkaal ke karm hi hmaare aaj ki rachna krtey hain aur hmaare aaj ke karam hmaare aaney waale kal ka bhawishya bnaate hain. HUMARA AAJ HUMARE KAL KE BEETEY HUYE KAL KA PARINAAM HAI. Aur hmaara aane wala kal humare aaj ka.Isi ko karam siddant kehte hai. Isliye hmaara bhagya hmaare hi haathon me hai. Jeewan me jo uncha neecha hum dekhte hai wahi bhagya ya prarabdh hai. Hum us prarbdh ka kis tariqey se saamna kartey hai wo hai humara purushaarth, so prayatan hi purushaarth hai.

vasamsi jirnani yatha vihaya
navani grhnati naro ’parani
tatha sarirani vihaya jirnany
anyani samyati navani dehi

"As a person puts on new garments, giving up old ones, the soul similarly accepts new material bodies, giving up the old and useless ones."

SOURCE - Doordarshan Series Upanishad Ganga(Full)-Episode-22-Theory of karma and Rebirth-Chitraketu